बेलायती युवराज चार्ल्सयात नं कोरोना संक्रमण
शोभा श्रेष्ठ | चौलाथ्व पारु ११४०
बेलायती राजकुमार चार्ल्सयात नं कोरोना भाइरसया संक्रमण जूगु दु ।
संक्रमणया पुष्टि जूगुलिसें ७१दँया राजकुमार चार्ल्स आः सेल्फ आइसोलेसनय् च्वंगु दु । वयकः स्कटल्याण्डया बालमोरल क्यास्टलय् सेल्फ आइसोलेसनय् च्वंगु खः ।
वयकःयाके कोरोना भाइरसया सामान्य संक्रमण जक खनेदुगु व वयकःया उसाँय् अवस्था बांलाःगु नं धाःगु दु ।
वयकःया जहान क्यामिल्लायात कोरोना भाइरसया संक्रमण पोजेटिभ खनेमदुगु धाःगु दु ।
संक्रमण खनेमदुसां क्यामिल्लायात नं बालमोरलय् हे सेल्फ आइसोलेसनय् तःगु दु ।
Categorized in अन्तर्राष्ट्रिय