बेल्जियम व नेदरल्याण्ड्स युरोकप फुटबलया नकआउट चरणय्
बछलाथ्व अष्टमी ११४१,असार ४ शुक्रवाः
बेल्जियम व नेदरल्याण्ड्स युरोकप फुटबलया राउण्ड अफ सिक्सटिनय् थ्यंगु दु । वंगु चान्हय् जूगु कासाय् अष्ट्रियायात २–० या गोल अन्तरं बुका नेदरल्याण्ड्स नकआउट चरणय् थ्यंगु खः ।
अष्ट्रियाविरुद्धया कासाय् नेदरल्याण्ड्सयात त्याकाबिइत मेम्फिस डिपे व डेन्जेल डम्फ्रेजं छगू छगू गोल याःगु खः । पुचः ‘सी’ लय् मदिक्क निगू कासा त्याका नेदरल्याण्ड्सं छगू कासा म्हिते न्ह्यः हे नकआउट चरणय् थाय् पक्का याःगु खः । थ्व हे पुचःया मेगु कासाय् युक्रेनं उत्तरी मेसेडोनियायात २–१या गोल अन्तरं बुकुगु दु ।
कासा त्यागु नापं युक्रनें मेगु चरणय् थ्यनेगु सम्भावना जिवित तःबलय् उत्तरी मेसेडोनियाया यात्रा पुचः चरणय् क्वचागु निश्चित जूगु दु । उखे पुचः ‘बी’ या कासाय् डेनमार्कयात २–१या गोल अन्तरं बुका बेल्जियम नं राउण्ड अफ सिक्सटिनय् थ्यंगु दु । डेनमार्कया कोपन हेगेनय् वंग ुचान्हय् जूगु कासाय् घरेलु टोलीया योसुफ पौल्सेनं निगूगु मिनेटय् छगू गोल याःगु खः । तर निगूगु हाफय् बेल्जियमया थोर्गन हाजार्ड व केभिन डे ब्रायनं छगू छगू गोल याना बेल्जियमयात त्याकाबिल ।
थ्वहे दथुइ युरोकप फुटबलय् थौं नं ३गू कासा जुइ । नेपाली ई कथं सनिलय् ६ ता ई जुया ४५ गू मिनेटय् आयरल्याण्डया डब्लीनय् जुइगु कासाय् स्वीडेन व स्लोभाकिया दथुइ कासा जुइ । बहनि ९ ता ई जुया ४५ गू मिनेटय् स्कटल्याण्डया ग्लास्गोय् क्रोएसियां चेक रिपब्लिकलिसे म्हितिइबलय् चान्हय् १२ ता ई जुया ४५ गू मिनेटय् लण्डनय् जुइगु कासाय् इंग्ल्याण्डं स्कटल्याण्डलिसे् म्हितिइ ।
Categorized in कासा
