२०८० चैत्र १६, शुक्रबार

बेल्जीयम व फिनल्याण्ड त्यात, डेनमार्कया कासामी ख्यःलय् हृदयघात जुल

बछलाथ्वः तृतिया, ११४१, जेठ ३० गते आइतबाः

युरोकप फुटबलय् बेल्जीयम व फिनल्याण्ड त्याःगु दु । पुचः बी अन्तर्गत वंगु चान्ह्य रुसय् जूगु कासाय् बेल्जीयमं रुसयात ३०नां बुकूगु खः । बेल्जीयमया जितय् रोमेलु लुकाकुं निगू व थोमस मुनिएरं छगू गोल यात । थ्वः पुचःया मेगु कासाय् फिनल्याण्डं डेनमार्कयात १०नां बुकल । डेनमार्कय् जूगु कासाय् पाहुना टोली फिनल्याण्डयात त्याकेत जोएल पोयानपालों ६०गू मिनेटय् याःगु गोल हे निणर्ायक जुल । थ्व कासाया ४०गू मिनेटय् हृदयघात जुया एरिक्सन कासाः ख्यलय् ग्वारातुइधुंका कासा दिउगु खः । १५गू मिनेटतक्क ख्यलय् वासः याना नं पाय्छि मजूसेंलि अस्पताल यंकूगु खः । अस्पतालय् छघौ लिपाः जक होस वःगु खबर जार्वजनिक जुइधुंका जक कासा हाकनं न्ह्याःगु खः । आः एरिक्सनया उसायँ खतरामुक्त जूगु धाःगु दु । युरोकप अन्तर्गत म्हिगः जूगु पुचः ए या कासा स्वीट्जरल्याण्ड व वेल्सया कासा धाःसा छगू छगू गोलया ज्वलिंज्वलय् क्वचाल । युरोकप अन्तर्गत थौं नं स्वंगु कासा जुई । जःछिपा ७ताः ईलय् ईंग्ल्याण्ड व क्रोएसिया म्हितिइ । अथेहे जःछिपा १०ताः ईलय् अष्ट्रिया व उत्तर मेसेडोनिया व जःछिपा १ताः ईलय् नेदरल्याण्डस् व युक्रेन दथुई कासा जुई ।
Categorized in कासा