बैंग्लोरं कोलकातायात च्यागु विकेट बुकल
रमित | कौलाथ्व षष्ठी ११४०,कार्तिक ६ बिहीवाः
इन्डियन प्रिमियर लिग (आईपीएल) क्रिकेटय् रोयल च्यालेन्जर्स बैंग्लोरं म्हिगः च्यान्ह्य जुगु कासाय् कोलकाता नाइट राइडर्सयात च्यागु विकेटं बुका निगुगु थासय् थहावःगु दु।
टस न्हापा ब्याटिङ यासे कोलकातां निर्धारित २० ओभरय् च्याःगु विकेटय् ८४ रन जक दयेकुगु खः। ८५ रनया लक्ष्य बैंग्लोरं निगु विकेटय् पूरा यायेत ताःलागु खः।
बैंगलोरया देवदत्त पडिक्कल व आरोन फिन्चं न्हापागु विकेटया लागि ४६ रन साझेदारी याःगु खः। तर देवदत्त १७ बलय् २५ रन हे आउट जूगु खः। फिन्चं १६ रन दयेकूगु खः। वया लिपा बैंगलोरया कप्तान विराट कोहलीं नटआउट १८ व गुरकिरत सिंहं नटआउट २१ रन दयकूगु खः। थ्व नाप बैंगलोरं १३.३ ओभरय् च्यागु विकेटं याउक त्याकुगु खः। कोलकाताया फर्ग्युसनं १७ रन बिया निगु विकेट काःगु खः।
थुगु कासा लिपा बैंगलोर १४ ल्याःया धलखय् निगु थासय् थ्यःगु दु। कोलकाता १० ल्याः हया प्यःगु थासय् दु।
टस त्याका न्हापा ब्याटिङ यासे कोलकाताया शुभम गिल व राहुल त्रिपाठी १–१ रनय् आउट जूगु खः। नितिश रानां खाता चायेके मफुत।
टम ब्यानटन १० व दिनेश कार्तिक ४ रन, इयान मोर्गनं ३० रन व फर्ग्युसन १९ रन नटआउट जूगु खः।
बलिङय् मोहम्मद सिराजं स्वगु ३ विकेट काःगु खः। सिराज म्यान अफ द म्याच जुगु खः। अथेहे युजवेन्द्र चहलं निगु विकेट व नवदीप सैनी व वाशिङ्गटन सुन्दरं छगु छगु विकेट काःगु खः।
Categorized in कासा
