बैंग्लोरं चेन्नाई सुपर किंग्सयात ३७ रनं त्याकल
कप्तान बिराट कोहलीया कप्तानी पारी व बलरपिन्स बालाक्क म्हितुगुलि रोयल च्यालेन्जर्स बैंग्लोरं चेन्नाई सुपर किंग्सयात ३७ रनं बुकुगु दु।
 
इन्डियन प्रिमियर लिग (आईपीएल) क्रिकेटय् त्याकेगु लागि बैंग्लोरं चेन्नाईयात १७० रनया लक्ष्य न्ह्यब्वःगु खः। चेन्नाईया टिमं निर्धारित २० ओभरय् ८ विकेटया क्षतिइ १३२ रन जक दयेक फुगु खः।
 
चेन्नाईया लागि अम्बाती रायडु दकलय् अप्वो ४२ रन दयेकूगु खः। बैंग्लोरया लागि क्रिस मोरिस स्वगु वाशिंग्टन सुन्दरं निगु विकेट काःगु खः।
 
टस त्याक न्हापा ब्याटिङ याःगु बैंग्लोरं निर्धारित २० ओभरय् ४ विकेट गुमे याना १६९ रन दयेकूगु खः। बैंग्लोरया लागि कप्तान बिराट कोहलीं सर्वाधिक ९० रन दयेकुगु खः। ५२ बलय् ४ चौका व ४ छक्का थ्वाःगु खः। नटआउट जुया म्यान अफ द म्याच न जुइत ताःलागु खः। 
 
अथेहे देवदूत पाडिक्कल ३३ रन, आरोन फिन्च २ रन, दयेकुगु खःसा एबि डिभिलियर्स खाता हे चायके मफुगु खःसा वाशिङ्गटन सुन्दर १० व शिवम दुवे न नटआउट २२ रन योगदान याःगु खः।बलिङय् शार्दुल ठाकुर निगु, साम कुरान व दीपक चहारं छगु छगु विकेट काःगु खः।
 
१७० रनया लक्ष्य ज्वना वःगु चेन्नाईया सुरुवात बाला मजुल केबल २५ रनय् निगु विकेट गुमे याये माःल।ओपनरयापि शेन वाटसन व फाफ डु प्लेसिस क्रिजय् टिके जुइ मफुत। प्लेसिस प्यंगु ओभरय् १४ रनय् पेभेलियनय् लिहावःगु खः।
 
चेन्नाईयम अम्बाती रायडु व न्हापागु म्याच म्हितुम्ह नारायण जगदिशन स्वगु विकेटया लागि ६४ रनया साझेदारी याःगु खः। ४२ रन दयेका अम्बाती रायडु चेन्नाईया टप स्कोरर जुगु खः। नारायण जगदिशन ३३ रन दयेका रन आउट जुगु खः। अथेहे मेम्ह कप्तान महेन्द्रसिंह धोनी १० रन, साम कुरान खाता खोले याये मफुत।बलिङपाखे क्रिस मोरिस स्वगु, वाशिङ्गटन सुन्दरं निगु विकेट काःगु खः।
 
Categorized in कासा