बोको हरामया नेता अबुबाकर शेकाउ सीत
बछलागा एकादशी ११४१, जेष्ठ २४ सोमबाः
नाइजेरियाया आतंकवादी पुचः बोको हरामया नेता अबुबाकर शेकाउ सीगु सरकारी सेनालिपिन्सं दावी याःगु दु ।
शेकाउया सुरक्षा कारवाहीया झ्वलय् इस्लामिक स्टेट वेष्ट अफिकी प्रान्तया निगू पक्षया ल्वापुइ सीगु दावी याःगु दु । निगूलिं पक्षया ल्वापुइ विस्फोटय् लाना वंगु वाःलय् सीगु ईस्वपयात न्ह्यथंसे बीबीसं न्ह्यथंगु दु ।
वय्कया मृत्युबारे अडिया नं थःपिंके सुरक्षित दूगु ईस्वापं न्ह्यथंगु दु । नाइजेरियाया सरकारी सेनांनं शेकाउ सीइधुंकूगु पुष्टि याःगु दु । वय्कया उत्तरी नाइजेरियाय् जूगु ल्वापुइ मृत्यु जूगु धाःगु दु ।
सन् २००९ लय् सुरक्षाकःमिं बोकोहरामया संस्थापक नेता मुहम्मद युसुफयात स्यायेसेंंलि उगु पुचलं न्ह्याकाच्वंगु हिंसात्म्क गतिविधिया हुनिं ४०द्वः सिबे अप्वः मनुत सीधुंकूगु दु धाःसा २०गू लखः सिबें अप्वः विस्थापित जूगु दु ।
बोकोहरामं नाइजेरियाया बोर्नाे राज्यय् सन् २०१४ व २०१८ य् थीथी ब्वनेकुथिया सलंसः मस्त अपहरण याःगु खः ।
