ब्राजिलं कोपा अमेरिका फुटबलया शानदार सुरुवात याःगु दु ।

वंगु चान्ह्यः जूगु उद्घाटन कासाय् ब्राजिलं भेनेजुयलायात ३-०नां त्याकूगु खः । ब्राजिलया लागि मार्कीनोज, नेयमार व ग्याब्रिल बार्बोसां छगोल छगोल यात ।

कोपा अमेरिका फुटबलया थुगुसीया संस्करणय् लेटिन अमेरिकाया १०गू टोलीया ब्वति दु । कासाय् अर्जेन्टिना व चिलीइ ग्वसाग्वइगु जूसां नं लिपांगु ईलय् ब्राजिलय् याःगु खः।

चिलिइ राजनीतिक अस्थिरता व ब्वज्या एवं अर्जेन्टिनाय् अप्वयावंगु कोरोना भाइरसया संक्रमण लिपाः कोपा अमेरिका ब्राजिलय् याःगु खः ।

Categorized in कासा