२०७७ माघ ८, बिहिबार

ब्राजिलय् कोरोना भाइरसविरुद्ध चिनियाँ खोप छ्यलिइगु

लहानान्युज | कौलाथ्व पंचमी ११४०,कार्तिक ५ बुधवाः

ब्राजिलं कोरोना भाइरस (कोभिड–१९) विरुद्ध चिनियाँ खोप छ्यलिइगु निर्णय याःगु दु।
 
ब्राजिलं साओ पाउलाया गभर्नर जोआओ डोरियां संघीय सरकारं राष्ट्रिय खोप ज्याझ्वलय् चिनियाँ कम्पनी सिनोभ्याकं दयेकूगु खोप छ्यलिगु निर्णय याःगु जानकारी बिःगु दु। वया कथं ४ करोड ६० लाख डोज कोरोना खोपया लागि सम्झौता जुइ धुकुगु दु।
 
डोरियाया कथं ब्राजिलय् सन् २०२१ य् जनवरी तक खोप ज्याझ्वः सुरु जुइ। ब्राजिल कोरोनापाखे दकलय् अप्वो प्रभावित जुगु देय् मध्ये छगू देय् खः। आःतक ब्राजिलय् ५३ लाख स्वया अप्वो कोरोना संक्रमित जुगु दु सा छगु लाख ५५ हजार मनूत सी धुकुगु दु।
 
ब्राजिलया स्वास्थ्य निकायं स्वीकृति बिलकि ब्राजिल कोरोना विरुद्धको खोप अभियानय् छ्यलि निगु खोप मध्ये छगु दयेकिइ। ब्राजिलं बेलायतया अक्सफोर्ड युनिभर्सिटी व एक्स्ट्राजेनेकाय् दय्का च्वंगु कोरोना विरुद्धया खोप न थुगु अभियानय् समावेश यायेगु योजना दु।
 
थ्व स्वया न्ह्य साओ पाउलाया गभर्नर डोरियां चिनियाँ कम्पनि सिनोभ्याकं दय्कूगु खोप परीक्षणया झ्वलय् सुरक्षित दुगु व उकि कोरोनापाखे बचे जुइ  धका धाःगु खः। थुगु चिनियाँ खोपया परीक्षण साओ पाउलोया रिसर्च सेन्टर बुटानटान इन्स्टिच्युटं याःगु खः। इन्स्टिच्युटं सोमवाः, प्रारम्भिक लिच्वः कथं स्वगु चरणयो क्लिनिकल परीक्षणय् थुगु खोप सुरक्षित दुगु धका धाःगु खः।
थुगु खोपया परीक्षण आः टर्की व इन्डोनेसियाय् जुयाच्वंगु धका धाःगु।
Categorized in अन्तर्राष्ट्रिय