भक्तपुर चेम्बर अफ कमर्शय् न्हुछेरत्न
लहनान्युज | बछलाथ्व नवमी ११३९ (मे १३ २०१९)
भक्तपुर चेम्बर अफ कमर्शय् न्हुछेरत्न मानन्धरया नेतृत्वय् ९म्ह दुजः दुगु समिति नीस्वंगु दु । मध्यपुर थिमिइ ग्वसाः ग्वःगु पदस्थापना व भिन्तुना कालबिल ज्याझ्वलय् नीस्वंगु समितिया पदाधिकारीपिनिगु नांधलः सार्वजनिक याःगु खः ।
उगु समितिइ कविदास धौबजि श्रेष्ठ न्वकू, सुरेन्द्र श्रेष्ठ छ्याञ्जे, जगतबहादुर श्रेष्ठ दांभरि अथे हे दुजलय् चन्द्रभक्त श्रेष्ठ, अष्टबज्र बज्रचार्य, लक्ष्मीबहादुर श्रेष्ठ, रामगोपाल सुवाल व राध्ये सैंजु खः ।
नवनिर्वाचित नायः न्हुच्छेरत्न मानन्धरं थःगु कार्यकालय् स्वंगू चरणय् ख्वपया औद्योगिक विकास, व्यवसाय प्रबद्र्धन नापं व्यवसायीपिनिगु क्षमता विकास याकेगु प्रतिबद्धता प्वंकादिल ।
नेपाल चेम्बर अफ कमर्शया कार्यबाहक नायः राजेन्द्र मल्लं तःधंगु उद्योगलिसें स्थानीय परम्परागत पेशा व्यवसाय याइपिंन्त चेम्बरं ग्वाहालि याय्गु धयादिल ।
ज्याझ्वलय् ख्वपया प्यंगू हे नगरपालिकाया प्रतिनिध, वस्तुगत नापं पेशागत संघसंस्था, सुरक्षा संयन्त्र, पत्रकारलिसें उद्योगी व्यवसायीपिनिगु ब्वति दुगु खः ।
