भारतं ५–१ दक्षिण अफ्रिकायात त्याकल
लहनान्युज | चिल्लाथ्व दुतिया ११३८ (फ्रेअवरी १७ २०१८)
दक्षिण अफ्रिका विरुद्धया खुगु वनडे सिरिजय् भारत ५–१ न त्याकुगु दु । दकलय् लिपागु वनडे कासाय् भारतं दक्षिण अफ्रिकायात ८ विकेटं बुकुगु खः ।
२०५ रनया लक्ष्य भारतं ३२ ओभरय् छगु बलय् निगु विकेटया क्षतिइ त्याकुुगु खः ।थुगु कासा नाप भारतं दक्षिण अफ्रिकी भूमिइ न्हापांगु पल्ट वनडे सिरिज त्याकगु खः ।
भारतया कप्तान विराट कोहलीं १९ चौका व २ छक्काया ग्वाहालिं अविजित १२९ रनया योगदान याःगु खः । कोहलीं थुग् सिरिजयु स्वंगु शतक व छगु अर्धशतक दयेकुगु खः ।
अथेहे थुगु कासाय् अजिक्य रहाणें अविजित ३४ रन, शिखर धवन व रोहित शर्मां १८ व १५ रनया योगदान बिगु खः ।
दक्षिण अफ्रिकाया लुंगी एनगिडीं निगु विकेट काःगु खः ।
टेस्ट व वनडे सिरिज धुकां आः भारत व दक्षिण अफ्रिकां स्वंगु टी–ट्वान्टी म्याच म्हितिइगु जुगु दु ।
Categorized in कासा
