२०८० चैत्र १६, शुक्रबार

भारतया उत्तरप्रदेशय् अज्ञात रोगया हुनिं ५०म्ह अप्वः मस्त सीत

गुंलागा दशमी ११४१, भाद्र १६ बुधबाः

भारतया उत्तर प्रदेशय् छवाया ई दुने ५०म्ह सिवें अप्वः मस्त अज्ञात ल्वचं सीगु दु ।
 
तच्वकं ज्वरो वइगु, वाकवाकी जुइगु, चःति वइगु, जोर्नी स्याइगु, ल्हा व तुतिइ दाग खनेदइगु लक्षण खनेदूपिं ५०म्ह मस्त सीगु खः । सीपिंलय् उत्तर प्रदेशया आगरा, मथुरा, मैनपुरी, एटाह, कासगन्ज व फिरोजाबादया जूगु धाःगु दु ।
 
सीपिं मस्तयेके कोरोना संक्रमण धाःसा मजूगु पुष्टि जूगु दु । उत्तर प्रदेश सरकारं मस्तयेके लिपांगु ई खनेदूगु थुगु ल्वयेय्या अनुसन्धान जुयाच्वंगु धासें डेंगु व पतिं न्याना जुइगु भाइरलया हुनिं थुगु ल्वयेय् जूगु ताकं याःगु दु ।
 
थुकिया नितिं उत्तर प्रदेश सरकारं भारतया संक्रमण ल्वयेय् बिशेषज्ञतये  टोलीलिसे सहलह न्ह्यानाच्वंगु न्ह्यथंगु दु ।
Categorized in अन्तर्राष्ट्रिय