भारतया चर्चित गायिका लता मंगेशकर निवास सिल
लहनान्युज | ञंलाथ्व १३ ११४०,भाद्र १५ सोमवाः
भारतया चर्चित गायिका लता मंगेशकर च्वनेगु निवास सिल याःगु दु । कोरोना भाइरसया संक्रमण जुइ फइगुलि सावधानी अपने यायते बृहन्मुम्बई नगरपालिका निगम (बीएमसी) नं मंगेशकरया छेँ सिल याःगु खः ।
गायिका व वया परिवार सुरक्षित यायेत व महामारी विरुद्ध पूर्व सावधानी स्वरुप जक भवन सिल याःगु धका मंगेशकर परिवारया विज्ञप्ति जारी याःगु दु ।
उगु विज्ञप्तिइ, “जिमिसं प्रभाकुञ्ज (भवन) सिल याःगु जिज्ञासां जाःगु फोनक वया च्वंगु दु । छेँय् जिपि ज्येष्ठ नागरिकपि जक दुगुलि बिल्डिङ सोसाइटी व बीएमसीं महामारी संक्रमण जुइ न्ह्य हे माःगु सुरक्षाया सावधानी स्वरुप भवन सिल याःगु खः । सामाजिक दूरी कायम याये माःगुलि थुगुसिया गणेश पुजा न परिवारया सदस्य दथुइ साधारण रुपं हनाःगु खः ।”
नाप उगु विज्ञप्तिइ मंगेशकर परिवारया स्वास्थ्य अवस्थाबारे म्वाःगु व मखुगु खबर फैलै मयाये इनाप याःगु दु ।
Categorized in अन्तर्राष्ट्रिय
