भारतया राजधानी दिल्ली व उत्तर प्रदेशय अप्वल जिका भाइरसया संक्रमण
कछलाथ्व चतुर्थी ११४२, कात्तिक २२ सोमबाः
भारतया राजधानी दिल्ली व उत्तर प्रदेशय् जिका भाइरसया संक्रमण अप्वयेधुंकाः सतर्कता नालाकाःगु दु ।
भारतया स्वास्थ्य अधिकारीतय्सं जिका भाइरसका किटाणु अप्वयाच्वंगु अवस्थाय् खनेदुगुलिं शहरबासीयात सचेत जुयाच्वनेत इनाप याःगु दु । उमिगु कथं छन्हुं हे उत्तर प्रदेशय् ४३म्हेसिके थुगु भाइरस खनेदुगु खः ।
उत्तर प्रदेश राज्यय् लिपांगु इलय् थ्व भाइरसया प्रकोप तसकं अप्वःगु धाःगु दु । सरकारी स्वास्थ्य अधिकारीतय्सं वंगु निवाः दुने थन ७९म्हेसिके थ्व भाइरस खनेदुगु प्रमाणित याःगु दु ।
दिल्लीया उपमुख्यमन्त्री मनिस सिसोडियां जिका भाइरसया संक्रमण राजधानीइ ह्वात्तहे थहांवंगु व थुकिया निराकरणया लागिं सरकारं गाक्कं सतर्कता नालाकाःगु जानकारी बियादिल ।
Categorized in अन्तर्राष्ट्रिय