२०८० चैत्र १६, शुक्रबार

भारतया ३६ रनय् अलआउट

लहानान्युज | थिंलाथ्व षष्ठी ११४१, पुस ५ आईतवाः

एडिलेड टेस्टया स्वन्हु कुन्हु जुगु कासाय् निगु पारीइ भारतं आःतकया हे दकलय् रन दय्कूगु दु ।

भारतीय टिम २१ ओभर २ बलय् जम्मा ३६ रन दयेका अलआउट जूगु दु। भारतं ९ विकेट वःगु खःसा मोहम्मद शमी घाःपाः जुया लिपाम्ह ब्याट्सम्यानया रुपय् रिटायर्ड हर्ट जूगु खः। अस्ट्रेलिया न्ह्यने ९० रनयात लक्ष्य बिःगु खः। भारतं टेस्ट क्रिकेटय् थ्व स्वया न्ह्यः सन् १९७४ य् इंग्ल्यान्डविरुद्ध ४२ रन दय्कूगु खः।

४६ दँया अन्तरालय् भारतं टेस्ट क्रिकेटय् थ्व दकलय् बांमलागु कासा खः। १९ रन दय्कूगु इलय् भारतया खुगु विकेट वने धुकुगु खः । टेस्टया स्वन्हुया दिं भारतं छगु विकेटया क्षतिइ ९ रनया कासा सुरु जूगु खः। तर उमिगु १० रनया अवस्थाय् हे भारतया न्याःगु महत्वपूर्ण ५ विकेट वने धुकुगु खः।

एडिलेडय् भारतया सू न ब्याट्सम्यानं दोहोरो अंकया रन दयेके मफुगु खः। अस्ट्रेलियाया लागि जोस हेजलवुडन न्यागु व प्याट कमिन्स नं  प्यगू विकेट काःगु खः। 

Categorized in कासा