२०७८ श्रावण १६, शनिबार

भारतय् कोभिड सिबें मेमेगु हुनिं सीपिनिगु ल्या अप्वःल

दिल्लाथ्व एकादशी ११४१,साउन ५ मंगलवाः

भारतय् कोभिड–१९ महामारीया असरं सामान्य अवस्था सिबें अप्वः ४०गू लखःया ल्याखय् मनुत सीगु खनेदूगु धाःगु दु ।
 
अमेरिकाया सेन्टर फर ग्लोबल डेभलपमेन्टं थीथी स्वंगु स्रोतपाखें महामारीया ईलय् जुन २१ तक्कया तथ्यांक मुना भारतय् दक्वः कारणं जूगु मेमेगु हुनिं सीपिनिगु ल्याःया गणना याःगु खः ।
 
उगु अध्ययनय् भारतय् ३४गू लखःनिसें ४७गू लखः अतिरिक्त मृत्यु जूगु खनेदूगु खः । अध्ययनया झ्वलय् भारतय् बच्छि जनसंख्या दूगु न्हेगु राज्यय् सीपिनिगु ल्याःखय् तथ्यांक तयार याःगु खः ।
 
गुकिइ वंगु प्यलाया दुने उपिं परिवारय् सुनं सीत धाःसा उपिनिगु अभिलेख तःगु खः । थ्वः अभिलेख भारत सरकारं सार्वजनिक याःगु कोभिडया हुनिं सीपिनिगु ल्याः सिबें १०गू गुणा अप्वः खः ।
 
अथेहे थ्व ल्याः संक्रामक रोग विशेषणपिन्सं याःगु अनुमानसिबें अप्वः खनेदूगु खः । 
Categorized in अन्तर्राष्ट्रिय