भारतय् कोरोना छन्हु ४८२म्ह सीत
लहनान्युज | दिल्लागा तृतीया ११४०,असार २४ बुधवाः
भारतय् कोरोना भाइरस (कोभिड(१९) वःगु २४ घण्टाया दुने ४८२ म्ह सीगु दु । स्वास्थ्य मन्त्रालयया कथं थ्व नाप भारतय् कोरोना भाइरसपाखे सीपिनिगु ल्याः २० द्धः ६४२म्ह थ्यःगु दु ।
अथेहे संक्रमितपिनिगु ल्याः न्ह्यगू लाख ४२ द्धः व ४१७ म्ह थ्यःगु दु । वःगु २४ घण्टाय् जक भारतय् कोरोना भाइरसं २२ द्धः व ७५२ म्ह न्हुपि संक्रमितपि पिहा वःगु दु ।
भारतय् दकलय् अप्व प्रभावित महाराष्ट्रय् आः तक कोरोना भाइरसं निगु लाख १७ द्धः मनूत संक्रमित जुइ धुकुगु दु सा गुद्धः व २५०म्ह मनूत सी धूकुगु दु । तामिलनाडुय् आःतक छगू लाख १८ द्धः स्वया अप्व संक्रमित पिहा वःगु दु सा अन १६३६ म्ह सी धुकुगु दु ।
भारतय् आःतक कोरोना भाइरसया वासः याका प्यगू लाख ५६ द्धः व ८३१म्ह संक्रमितपि डिस्चार्ज जुया छेँ लिहा वने धुकुगु दु ।
स्वास्थ्य मन्त्रालयया कथं भारतय् कोरोना भाइरसं सीपि आःतक नीद्धः व ६४२म्ह थ्यने धुकुगु दु ।
अथेहे संक्रमितपि न्ह्यगू लाख ४२ द्धः ४१७ म्ह थ्यःगु दु । वःगु २४ घण्टाय् जक भारतय् कोरोना भाइरसं २२द्धः व ७५२ म्ह न्हुपि संक्रमित पिहा वःगु दु ।
