भारतय् कोरोना छन्हु ७३ म्ह सित
लहनान्युज | बछलाथ्व अष्टमी ११४०, बैसाख १९ शुक्रवाः
भारतय् कोरोना भाइरस (कोभिड(१९) या कारण सिपिनिगु ल्याः ११४७ म्ह थ्यःगु दु । भारतया स्वास्थ्य मन्त्रालयया तथ्यांक कथं वःगु २४ घण्टाय् सिपिनिगु ल्याः ७३ म्ह थ्यःगु दु ।
कोरोना भाइरसपाखे संक्रमित जुपिनिगु ल्याः ३५ द्धः स्वया अप्वोगु दु । वःगु २४ घण्टाय् कोरोना भाइरस १९९३ न्हुपि संक्रमित पिहावःगु दु । थ्व नाप संक्रमित जुपिनिगु ल्याः ३५०४३ म्ह थ्यःगु दु ।
अथेहे, दकलय् अप्वो प्रभावित राज्य महाराष्ट्रय् १० द्धः व न्यासः मनूत संक्रमित जुइ धुकुगु दु अन सिपिनिगु ल्याः ४५९ म्ह थ्यःगु दु । गुजरातय् ४३०० म्ह स्वया अप्वो मनूत संक्रमित जुइ
धुकुगु दु अन सिपिनिगु ल्याः २१४ म्ह थ्यःगु दु ।
मध्य प्रदेशय् २६०० म्ह स्वया अप्वो मनूत भाइरस संक्रमण खने दुगु खःसा १३७ म्ह सिइ धुकुगु दु ।
आतक भारतय् ८८८९ मनूत संक्रमितपि वास याका छेँय् लिहा वने धुकुगु दु ।
