भारतय् कोरोना संक्रमणं न्हुगु रेकर्ड :छन्हु ९५ हजार ७३५ संक्रमित
लहनान्युज | ञंलागा ९ ११४०,भाद्र २६ शुक्रवाः
भारतय् वःगु २४ घण्टाय् आःतकया हे दकलय् अप्वो ९५ हजार ७३५म्ह कोरोना संक्रमित थपे जूगु दु । अथेहे छन्हुया दुने १ हजार १७२म्ह कोरोना संक्रमितपि सी धुकुगु दु धका विश्व स्वास्थ्य संगठनं धाःगु दु ।
भारतय् आःतक ४४ लाख ६५ हजार ८६३म्ह कोरोना संक्रमण खने दये धुकुगु दु ।
कोरोनाया कारण सीपि ७५ हजार ६२म्ह थ्यने धुकुगु दु ।
भारत विश्वय् हे दकलय् अप्वो कोरोना संक्रमित जूगु देशया धलखय् अमेरिका धुका निगु थासय् दु । अथेहे कोरोनाया कारण सीपिनिगु धलखय् अमेरिका व ब्राजिल धुका स्वगु थासय् दु ।
९५ हजार ७३५ कोरोना संक्रमित जुगु आःतक विश्वया न्हापागु भारत जुगु दु ।
अमेरिकाय् छन्हु दकलय् अप्वो ७४ हजार व ब्राजिलय् ६९ हजार तक संक्रमित खनेदुगु खः ।
Categorized in अन्तर्राष्ट्रिय
