भारतय् कोरोना संक्रमण अप्वोया वना च्वन
लहनान्युज | ञंलाथ्व १४ ११४०,भाद्र १६ मंगलवाः
भारतय् कोरोना संक्रमण अनपेक्षित रुपं यक्को फैलै जुया वनाच्वंगु दु ।
वःगु छु दिं न्ह्यःनिसे ७० हजार स्वया अप्पोसित संक्रमित जुया वना च्वंगु दु । छन्हु हे थःथे संक्रमित जुया वनाच्वंगु हलियकं थ्व दकलय् अप्वो खः ।
अमेरिकाय् दकलय् अप्वो ७४ हजार न्हि संक्रमित जुया वनाच्वंगु खः । तर भारतय् छन्हु हे न्हि ७८ हजार स्वया अप्वो संक्रमित जुया वनाच्वंगु दु ।
वःगु २४ घण्टाय् भारतय् ७८ हजार ५१२म्ह कोरोना संक्रमित थपे जूगु दु । विश्व स्वास्थ्य संगठनया कथं वःगु २४ घण्टाय् ७८ हजार ७६१ म्ह कोरोना संक्रमित थपे जूगु दु ।
विश्व स्वास्थ्य संगठनया तथ्यांक कथं भारतय् कोरोनाया कारण सीपि ६४ हजार ४६९म्ह थ्यःगु दु ।
वःगु २४ घण्टाय् ९७१ संक्रमितपि सीगु दु । वःगु २४ घण्टाय् ९४८म्ह कोरोना संक्रमितपि मदुगु धका विश्व स्वास्थ्य संगठनया तथ्यांकं क्यःगु दु ।
भारतय् आःतक संक्रमितपि ३६ लाख २१ हजार २४५म्ह थ्यःगु दु । भारत विश्वया सक्रमित जुगु धलखय् स्वगूगु थासय् लानाच्वंगु दु ।
Categorized in अन्तर्राष्ट्रिय
