भारतय् कोरोना संक्रमितपि ७५ लाख स्वया अप्वोल
लहानान्युज | कौलाथ्व चतुर्थी ११४०,कार्तिक ४ मंगलवाः
भारतय् कोरोना संक्रमितपि ७५ लाख स्वया अप्वो जुइ धुकुगु दु।
विश्व स्वास्थ्य संगठनया लिपागु तथ्यांक कथं आःतक भारतय् संक्रमितपि ७५ लाख ५० हजार २७३ म्ह थ्यःगु दु।
वःगु २४ घण्टाय् जक भारतय् ५५ हजार ७२२ म्हेसित कोरोना संक्रमण पुष्टि जूगु दु।
अथेहे उगु हे इलय् भारतय् ५७९ म्ह संक्रमितपि सी धुकुगु दु धका संगठनया तथ्यांकय् उल्लेख याःगु दु।
भारतय् कोरोना संक्रमण आःतक १ लाख १४ हजार ६१० म्ह संक्रमितपि सी धुकुगु दु।
Categorized in अन्तर्राष्ट्रिय
