भारतय् छन्हुया दुने ९६ हजार ५५१म्ह संक्रमित
यमन श्रेष्ठ | ञंलागा १० ११४०,भाद्र २७ शनीवाः
भारतय् वःगु २४ घण्टाय् आःतक ९६ हजार ५५१म्ह कोरोना संक्रमित थपे जुगु दु ।
वःगु २४ घण्टाय् १ हजार २०९म्ह कोरोना संक्रमितपि सी धुकुगु दु धका विश्व स्वास्थ्य संगठनं धाःगु दु ।
भारतय् आःतक ४५ लाख ६२ हजार ४१४म्ह कोरोना संक्रमण पिहा वये धुकुगु दु धका संगठनया तथ्यांकय् उल्लेख याःगु दु ।
भारतय् कोरोनाया कारण सीपि आःतक ७६ हजार २७१ म्ह थ्यःगु दु । भारत कोरोना संक्रमणया इपिसेन्टर जुइ धुकुगु दु ।
थौंकन्ह्य न्हि ९६ हजार स्वया अप्वो कोरोना संक्रमण पहिचान जुया वया च्वंगु दु।
Categorized in अन्तर्राष्ट्रिय
