भारतय् छन्हु हे ७५ हजार संक्रमित थपे जुल
लहनान्युज | ञंलाथ्व १० ११४०,भाद्र १२ शुक्रवाः
भारतय् छन्हु हे आःतक मध्ये कोरोना सक्रमित ७५ हजार थपे जूगु दु ।
विश्व स्वास्थ्य संगठनया कथं आःतक भारतय् कोरोनाया कारण सीपिनिगु ल्याः ६० हजार ४७२म्ह स्वया अप्व जुगु दु ।
वःगु २४ घण्टाय् छन्हु हे ७५ हजार ७६० म्ह संक्रमित थपे जूगु खः । भारतय् वःगु २४ घण्टाय् १ हजार २३ म्ह कोरोना संक्रमितपि सीगु धका विश्व स्वास्थ्य संगठनया तथ्यांकय् उल्लेख याःगु दु ।
भारतय् आःतक संक्रमितपि ३३ लाख १० हजार २३४ म्ह थ्यःगु दु ।
भारत स्वया अप्व कोरोना संक्रमित जूगु देय् अमेरिका व ब्राजिल खः । भारतय् लकडाउन लिकाये धुका कोरोना संक्रमण न्हिया न्हिथं अप्वया वया च्वंगु खः ।