भारतय् छन्हू हे ८०गू लखः खोप
बछलाथ्वः द्वादशी ११४१, असार ८ गते मंगलबाः
भारतय् छन्हुं हे ८०गू लखम्हसित कोरोनाया खोप बिउगु दु ।
भारतय् छन्हुं हे थुलि आपालं ल्याःखय् खोप बिउगु थ्व न्हापांखुसिइ खः । खोप अभियानयात तच्वकं न्ह्याकुगु भारतं म्हिगः ८० गू लख म्हसित खोप बिउगु खः ।
भारतीय प्रधानमन्त्री नरेन्द्र मोदीं कोरोनाविरुद्ध ल्वायेगु ल्वाभःया कथं दूगु खोप अभियानतया तच्वयेकेज्या जूगु धासें थः नागरिकयात खोपपाखे छखे मलाकेगु घोषणा यानादील ।
भारतं १८दँ च्वयेय् वैंशया मनूयात कोरोनाविरुद्धया खोप सितिकं चूलाकेगु नीति काःगु कथं थुगु अभियान न्ह्याकुगु खः ।
थ्वयान्ह्यः प्राथमिकता धलःखय् लाःपिन्त जक खोप तयेकेगु व्यवस्था याःगु खः ।
Categorized in अन्तर्राष्ट्रिय
