भारतय् बस व ट्रक न्याबलय् १८म्ह सीत
दिल्लागा पंचमी ११४१,साउन १३ बुधवाः
भारतया उत्तर प्रदेश राज्यया बाराबंकी जिल्लाय् बस व ट्रक थःथवं ल्वाबलय् १८म्ह सीगु दु । दुर्घटनाय् २५म्ह घाःपा जूगु दु ।
भारतया लखनउ–अयोध्या रोडय् सतक लिकसं दिकातःगु बसयात लिउने ट्रकं न्याबलय् दुर्घटना जूगु खः । प्रहरीया कथं हरियाणाया पलवलपाखें बिहार वनाच्वंग्ु बस स्यना सतक सिथय् दिकातःगु खः ।
बसय् सच्छि व ४०म्ह सिबें अप्वः यात्रु त सवार दूगु प्रहरीं न्ह्यथंगु दु । उपिं अप्वः धैथें घटनास्थलय् हे सीगु भारतीय सञ्चारमाध्यमतय्सं न्ह्यथंगु दु ।
Categorized in अन्तर्राष्ट्रिय
