कोरोना संक्रमण छुं म्हो जुयाच्वंगु ईलय् हाकनं निगूगु वःया डेल्टा भेरियन्टया कोरोना भाइरस हाकनं खनेदयावःगु दु । भारतय् ६गू राज्य याःगु स्वाब परीक्षणय् उगु डेल्टा म्यूटेशनया भारस पत्ता लगे जूगु खः । वैज्ञानिकपिन्स थुगु म्यूटेशनयात के ४१७ एन नां छुयादिगु दु । थ्व भेरियन्ट दकले अपाः भारतया तमिलनाडुइ खनेदूगु व महाराष्ट्र, गुजरात, ओडिशा, कर्नाटक व आन्द्र प्रदेशय १/१म्ह ल्वगि खनेदूगु भारतीय स्वास्थ्य मन्त्रालयं न्ह्यथंगु दु । भारतय् निगूगु वःया बेटा भेरियन्टय् ज्वः लाइगु म्यूटेशन डेल्टाय् ज्वः लाःगु भारतीय वैज्ञानिकपिन्सं धाःगु दु । थ्वः भेरियन्टया कारणं मनुत छक्व सिबें अप्वः पटक कोरोना संक्रमण जुइफइगु व खोप कासां नं संक्रमित जुइगु सम्भावना अप्वः दूगु धाःगु दु । Categorized in अन्तर्राष्ट्रिय