भारतय् ४५ द्धः कोरोना संक्रमित वासयाका छेँ लिहावन
लहनान्युज | बछलागा चःह्रे ११४०,जेष्ठ ८ बिहिवाः
भारतय् कोरोना भाइरसया ४५ द्धः स्वया अप्वो संक्रमित वासयाका छेँय् लिहावःगु दु ।
अन १ लाख १२ द्धः ३५९ संक्रमितपि मध्ये ४५ द्धः व स्वसः वासयाका छेँय् लिहावःगु दु धका भारतया स्वास्थ्य मन्त्रालयं धाःगु दु ।
वःगु २४ घण्टाय् जक अन ५५०९ म्ह न्हुपि कोरोना संक्रमित थपे जुगु दु ।
भारतय् आतक कोरोना भाइरसं सीपिनिगु ल्याः स्वद्धः व ४३५ म्ह थ्यःगु दु । वःगु २४ घण्टाय् भारतय् १३२ म्ह कोरोना भाइरसया कारण सीइगु दु ।