भारतलिसेया टेस्टया न्हापांगु इनिङय् इंग्ल्याण्ड त्यात
गुंलाथ्व सप्तमी ११४१,साउन ३१ आईतवाः
भारतलिसेया टेस्टया न्हापांगु इनिङय् इंग्ल्याण्डं अग्रता काःगु दु ।
लड्र्सय् स्वंगू विकेट तंकाः सच्छि व १९ रन दयेकूगु अवस्थाय् स्वन्हुगु दिंया कासा क्वचाःबलय् इंग्ल्याण्डं २७ रनया अग्रता दयेकूगु खः । इंग्ल्याण्ड ३सः व ९१ रनय् अलआउट जूगु दु ।
थुकिया लागिं जोय रुटं शतक थ्वाःगु दु । सच्छि व ८० रनय् अविजित जूम्ह रुटं टेस्ट क्रिकेटय् ९द्वः रन पूवंकूगु दु । रुटं न्हापांगु टेस्टय् नं शतक दयेकूगु खः । अथे हे, जोनी बेयस्र्टों ५७ रनया अर्धशतकीय इनिङ म्हितल ।
भारतया मोहमद सिराजं ४ अले इशान्त शर्मां ३ विकेट काल । अथे हे, मोहमद शामीं २ विकेट काल । न्हापां ब्याटिङ याःगु भारत न्हापांगु इनिङय् ३सः व ६४ रनय् अलआउट जूगु खः ।
वां प्रभावित जूगु न्हापांगु टेस्ट ज्वलिंज्वलय् क्वचाःगु खः । न्यागू टेस्टया श्रृंखला म्हितेत भारत इङ्ग्ल्यान्ड भ्रमणय् दु ।
Categorized in कासा
