भारतीय पत्रकार गोस्वामीयात प्रहरी ज्वन
लहानान्युज | कौलागा पंचमी ११४०,कार्तिक २० बिहीवाः
भारतया विवादास्पद टेलिभिजन प्रस्तोता नाप रिपब्लिक टिभीया सम्पादक अर्नव गोस्वामीयात प्रहरीं ज्वंगु दु ।
गोस्वामी सीमा विवादयात कयाः नेपाःया बारे नं गलत टिप्पणी याःगुलिं नेपालय् नं तसकं विरोध जुया वयाच्वंम्ह पत्रकार खः ।
गोस्वामीयात छेँय् हे वयाः प्रहरीं वयात ज्वःगु खः। भारतीय समाचार एजेन्सी पिटीआईया कथं निदँ न्ह्यव ५३ दँया छम्ह इन्टेरियर डिजाइनरं आत्महत्या याःगु मामिलाय् वयात गिरफ्तार याःगु खः ।
उबलय् आत्महत्या याःम्ह इन्टेरियर डिजाइनरं गोस्वामिं रिपब्लिक नेटवर्कया स्टुडियो दयेकाः ध्यबा मबिउ धकाः आत्महत्या न्ह्यः पौ च्वयाः त्वःताथकूगु खः ।
तर टेलिभिजनं थ्व मामिला न्हापा हे क्वचायेधुंकूगु व महाराष्ट्र सरकारं प्रतिशोधया भावनां गोस्वामीयात ज्वंगु खँ धाःगु दु।
Categorized in अन्तर्राष्ट्रिय
