भारत व चीनया भिडन्तय् २०म्ह भारतीय सैनिक मन्त
लहनान्युज | तछलागा द्धादशी ११४०,असार ३ बुधवाः
भारत व चीनया विवादित सीमा क्षेत्र लद्दाख गलवान क्षेत्रय् निगु देय् सैनिक दथुइ भिडन्त जुगुलि २०म्ह भारतीय सैनिक सीगु दु ।
१५ व १६ जुनय् जुूगु भिडन्तय् भारतीय सेनाया छम्ह अधिकारी व १९ जवान सीगु खः ।
भारतीय सेनां, ‘भारत व चीनका सेना गलवान क्षेत्रं लिचिगु दु । १५ व १६ जुनया चान्ह्य तक निगु देय् या सैनिक दथुइ झडप जूग खः ।
उगु झडपय् १७ म्ह भारतीय सैनिक गम्भीर रुपं घाइते जूगु खः । शून्य डिग्री स्वया कम तापक्रम व यक्को उचाइ दुगु उगु इलाकाय् गम्भीर घाइते जूया १७म्ह सैनिक सीगु खः ।
उगु थासय् २०म्ह भारतीय सैनिक सीगु खः ।
थ्व स्वया न्ह्य भारतीय सेनां छम्ह सैनिक अधिकारी व निम्ह जवान जक सीगु धका धाःगु खः ।
