भेरोसेल खोप अभियान स्थगित जुल
लहनान्यूज | दिल्लाथ्व षष्ठी, श्रावण १, शुक्रबाः
येँ जिल्लाय् न्ह्यनाच्वंगु चिनिया भेरोसेल खोप अभियान दिउगु दु ।
खोपया मौज्दात सिधःगु धासें जिल्ला जनस्वास्थ्य ज्याकू येँ नं साउन २ गतेतक्क न्ह्याकूगु ज्याझ्व दिकूगु खः । मेगु सूचं मवतल खोप अभियान दिउगु ज्याकूथिं न्ह्यथंगु खः ।
थ्वहे दथुई प्रधानमन्त्री शेरबहादुर देउवां खोप केन्द्र अप्वःयेकत उजं बिउगु दु । खोप केन्द्र त म्हो जूगुलिं भिडभाड अप्वःगु धासें देउवां मुख्यसचिव शंकरदास बैरागी व स्वास्थ्य सचिव लक्ष्मण अर्यालयात सःता खोप केन्द्र अप्वःकेत उजं बिउगु खः ।
खोप केन्द्रय् खोप काइपिं तसकं भिडभाड अप्वःगुलिं माःकथंया व्यवस्था यायेत प्रधानमन्त्रीं उजं बिउगु खः । स्वास्थ्य मापदण्डयात पूवंक पालना याना कोरोना विरूद्ध खोप कायेत नं प्रधानमन्त्री देउवां इनाप यानादिल ।
Categorized in राष्ट्रिय
