भोजपुरय् नं खनेदत कोरोनाया संक्रमण
लहनान्युज | चौलागा चतुर्दशी ११४०, बैसाख १० बुधवाः
भोजपुरय् छम्हेसित कोरोना भाइरसया संक्रमण खने दुगु दु ।
भोजरपुरया हथुवागढीया २६ दँ दुम्ह मिजंम्हेसित कोरोनाया संक्रमण जूगु पुष्टि स्वास्थ्य तथा जनसंख्या मन्त्रालयं याःगु दु ।
धरानय् बीपी कोइराला स्वास्थ्य प्रतिष्ठानय् जूगु उगु परिक्षणय् उम्ह मिजंया रिपोर्ट पोजेटिभ वःगु खः ।
थौं हे उदयपुर व जनकपुरय् नं छम्ह छम्हेसित कोरोनाया संक्रमण जूगु खः ।
थ्वनापं आः नेपालय् कोरोना जूपिनि ल्याः ४८ म्ह थ्यंगु दु ।
