भौतिक पूर्वाधारमन्त्री वसन्तकुमार नेम्बाङ कोरोना संक्रमण पुष्टि
लहानान्युज | कौलाथ्व तृतिया ११४०,कार्तिक ३ सोमवाः
भौतिक पूर्वाधार व यातायात मन्त्री वसन्तकुमार नेम्बाङयात कोरोना संक्रमण पुष्टि जूगु दु।
मन्त्री नेम्बाङं थःगु सामजिक सञ्जाल पाखे थःत कोरोना संक्रमण खनेदुगु धका जानकारी बिःगु खः।
थौं सोमवाः पीसीआर परीक्षण याःगुलि थःत कोभिड १९ पोजिटिभ खनेदुगु धका धाःगु दु। थः नाप सम्पर्कय् दुपिन्त सकसिया थःगु स्वास्थ्यय् बिचाः यायेत मन्त्री नेम्बाङं इनाप याःगु खः।
मन्त्री नेम्बाङं थःगु अवस्था सामान्य दुगु व आःतक थःगु हे निवासय् आराम कयाच्वंगु धका वया प्रेस संयोजकं धाःगु दु।
म्हिगः आइतवाः सामान्य ज्वरो वयेवं मन्त्री नेम्बाङं थौं सोमवाः परीक्षणया लागि स्वाब बिःगु खः।
Categorized in राष्ट्रिय