२०८० चैत्र १६, शुक्रबार

मंकाः समाजं डा.श्रेष्ठयात हन

लहनान्यूज सम्वाददाता | कछलागा द्वादशि ११३७ (नोभम्बर २६ २०१६)

मंकाः समाज खुसिबुं नेवाः न्ह्यलुवा डा. महेशमान श्रेष्ठयात हंगु दु ।
 
समाजं येँय् छगू गुँभ्वयया ग्वसाः ग्वयाः डा. श्रेष्ठलिसें दक्कले न्हापांगु आदिवासी जनजाति संकिपा सिलुया नायः जय श्रेष्ठ, समाजेसवी मचाराजा महर्जनयात नं हंगु खः । संघीय समाजवादि फोरम नेपालया ल्यू नायः राजेन्द्र श्रेष्ठं सम्मानित व्यक्तित्वपिंलिसें समाजया १२म्ह मस्तयत नं सम्मान लःल्हानादिल ।
 
समाजया नायः भाइराजा महर्जनया सभानायकय् क्वचाःगु ज्याझ्वलय् संस्थापक नायः महेन्द्रविलाश जोशी, संकिपा निर्देशक पवन जोशी, येँ महानगरपालिका १७ वडाया सचिव राजेश श्रेष्ठया नं उपस्थिती दुगु खः ।
Categorized in राष्ट्रिय