बूदिंया भिंतुना म्ये कासाया चर्चा जुयाच्वंगु इलय् न्याम्ह मस्तय्सं थुगु स्वीखुझ्वः दुगु म्ये हालाः सकसित अजू चायेकाब्यूगु दु । ५ दँ दुम्ह सजगता मानन्धर, ९ दँ दुम्ह प्रतिज्ञा बज्राचार्य व १० दुम्ह विधान तुलाधर थुगु कभर म्ये कासाय् दुथ्याःपिं कासामिपिं खःसा ३ दँ दुम्ह अपूर्व शर्मा राजोपाध्याय व ७ दँ दुम्ह सार्थक नकःमि कासामिकथं दुथ्याःगु मखःसे सामाजिक संजालय् वय्कःपिन्सं हालातःगु म्ये लूगु ग्वसाः खलकं धाःगु दु ।

 

पेजथ्री नेपालभाषा बाःछिपौया ग्वसालय् जुयाच्वंगु चेज बूदिंया भिंतुना म्ये कासाय् आःतक (माघ ४ गते विहिवार सुथय् ८ बजे तक) ७० म्हसिन ब्वति काःगु दु । कासाय् ब्वति कायेगु नितिं ५ न्हु ल्यं दनि । पुष १ गतनिसें न्ह्याःगु कासाय् माघ ८ गते चान्हसिया १२ बजे तक म्ये दुथ्याकेफइगु व उबलेतकया स्वकुमि ल्याः (Views) कायेगु ग्वसाः खलकं धाःगु दु ।

 

थुगु कासा बूदिंया नेवाः तजिलजिइ पाश्चात्य संस्कृतिया प्रवाह मखःसे नेवाः म्ये हे थ्वयेमा धइगु तातुनालिसें नेपालभाषा ख्यलय् न्हूपिं म्येहालामिपिं दुतहयेत अःपुगु लँपु जुइमा धइगु तातुनां याःगु खः।

 

सिरपाकथं दकले अप्वः स्वकमि ल्याः (Views) दुगु म्ये भिडियोयात २४ इन्चया चेज लिड टिभी व दकले बांलाम्ह म्येहालामियात २४ इन्चया चेज लिड टेलिभिजननापं म्ये छपु रेकर्डिङ्गया सिरपा बीगु ग्वसाः खलकं जानकारी ब्यूगु दु । आर्टोम्यूज रेकर्डिङ्ग स्टुडियोपाखें देछाइगु थुगु सिरपाकथं बूदिंया भिंतुना म्ये हालामि व च्वमि सुरजवीर बज्राचार्यया च्वसाय् दकले बांलाम्ह संगीतकारया नितिं पेजथ्री अवार्ड त्याकादीम्ह जुगल डंगोलया लय् व संगीत संयोजकय् नेपालभाषाया म्ये रकेर्डिङ जुइ ।

 

नेपालभाषाया ख्यलय् बांलापिं म्येहालामिपिन्त दुतहयेगु नितिं थुगु कासाय् दुथ्याःपिं कासामि छम्ह सिबे अप्वः बांलापिं लुत धाःसा म्ये रेकर्डिङया सिरपाः तनेफइगु संकेत नं ग्वसाः खलकं ब्यूगु दु ।

 

थुगु इलय् तक ब्वति कयादीपिं प्रतिज्ञा बज्राचार्य (१० दँ), उत्तम महर्जन, रमिता बज्राचार्य, कल्पना श्रेष्ठ, उजं शाक्य, मणिका शर्मा राजोपाध्याय, राजेश्वरी राजोपाध्याय, अनिल तुलाधर, शर्मिला शर्मा राजोपाध्याय, प्राप्ति मानन्धर, रोशन श्रेष्ठ, नदिम शाक्य, तोषण शाक्य, हरिकृष्ण महर्जन, रेइना महर्जन, जयन्द्र ताम्राकार, संजिव शाक्य, सजगता मानन्धर (५ दँ), सिद मानन्धर, शारदा श्रेष्ठ, दया बज्राचार्य, पुष्प मानन्धर, पुष्पराज शाक्य, मिनर्वा राजोपाध्याय, सचेतना मानन्धर, सुशीला मानन्धर, सब्ना बज्राचार्य, श्रीजना शाक्य, राजु बज्राचार्य (दथुलँ), रितु रोविनशन, अनिता महर्जन लूमिला, दिपेश महर्जन, विजयकुमार श्रेष्ठ, राजेन्द्र बज्राचार्य, लजना मानन्धर, रेशमा शाक्य, विपिन शाक्य, ज्ञानेन्द्रराज बज्राचार्य, सेटिश्फाइ महर्जन, नेवेरा बज्राचार्य, विगेन तुलाधर, विधान तुलाधर (१० दँ), सविन डंगोल, रुपा श्रेष्ठ न्याँछ्यों, लोकराज बज्राचार्य, रमा महर्जन, सुवि श्रेष्ठ, सुमन मानन्धर, राजु बज्राचार्य, सुरेन्द्रराज बज्राचार्य, ताराराम मुनकर्मी, रत्नशोभा बज्राचार्य, रत्न सम्भव शाक्य, रमेश महर्जन, राजिव योगल श्रेष्ठ, पुष्परत्न बज्राचार्य, प्रतिमा बज्राचार्य, मन्जिल शाक्य, निरोज महर्जन, किर्तिसुदन जोशी, ज्याक महर्जन, चिधिबाबु शाक्य, हेमरत्न शाक्य, विनय राजोपाध्याय, वीरेन्द्रमान शाक्य, चन्द्रदेवी शाक्य, वन्धुदत्त बज्राचार्य, भुपेन शाक्य, अमोघवीर बज्राचार्य, रविनशन कसाः खः ।

 

नेपालभाषाया ख्यलय् नेवाः म्येया प्रतियोगिता मजूगु तःदँ दयेधुंकूगु व बूदिंया भिंतुना म्ये कासां उकिया पूर्ति यासें ब्वति कायेगु नितिं अति अःपुगु सामाजिक संजालया माध्यम जूगुलिं नं थुकथं ब्वतिइ उत्साह खनेदुगु खः ।

 

स्मुल एपपाखें बाय् युट्युबलय् दुगु ट्रयाक हायका बूदिंया भिंतुना म्ये हालाः मोबाइलय् भिडियो रेकर्ड यानालि उकियात थःगु हे फेसबुक पेज दुने अपलोड यायेमाः । अपलोड जूगु भिडियोया लिंक कपि यानाः बुदिंया भिंतुना म्ये कासा पेजय् पेष्ट/पोष्ट यातकि कासामिकथं थुगु कासाय् दुथ्याइ । अनंलि स्वकुमिया ल्याः (views) अप्वयेकेगु नितिं कासामिपिन्सं अपिल यानाः सेयर याइ । माघ ४ गते सुथय् ८ बजेतक दकले अप्वः स्वकुमि ल्याः दुपिं १० म्हय् न्हाप लानाच्वंम्ह सुमन मानन्धरया म्ये भिडियो स्वःगु ल्याः ६०,००० सिबें अप्वयेधुंकूगु दुसा ल्यू लानाच्वंम्ह मन्जिल शाक्यया म्ये भिडियो स्वःगु ल्याः ४०,००० सिबें अप्वयेधुंकूगु दु । लियांल्यू लानाच्वंम्ह राजु बज्राचार्य (दथुलँ) या ३५,००० सिबें अप्वः थ्यनेधुंकूगु दुसा दुसा प्यंगूगु ल्याखय् अमोघवीर बज्राचार्यया ३१,००० सिबें अप्वः थ्यनेधुंकूगु दु । थुकथं हे विधान तुलाधरया २८ द्वः, रत्न शोभा बज्राचार्य २६ द्वः, विगेन तुलाधरया २६ द्वः, ज्याक महर्जनया २२ द्व, वीरेन्द्रमान शाक्यया १९ द्वः, मिनर्वा शर्मा राजोपाध्याय १४ द्वःसिबें अप्वःसिनं स्वयेधुंकूगु दु ।

 

न्हूगु प्रविधिया चेज टिभी वितरक गोल्मा कम्पनी प्रालिं प्रायोजन याःगु थुगु कासाय् आर्टोम्यूज रेकर्डिङ स्टुडियोपाखें म्ये रेकर्डिङया सिरपा सुरजवीर बज्राचार्यया च्वसाय् थुगुसी पेजथ्री अवार्ड त्याकादीम्ह जुगल डंगोलया संगीत व संगीत संयोजनय् थुगु हे रेकर्डिङ स्टुडियोय् म्ये रकर्डिङ जुइ ।

 

मंगल धूनय् सुरजवीर बज्राचार्यया सः व च्वसाय् रेकर्ड जूगु बूदिंया भिंतुना म्येया संगीत संयोजक नं जुगल डंगोल हे खःसा थुगु म्येया रेकर्ड नं आर्टोम्यूजय् हे जूगु खः । थुगु म्येहालामि बज्राचार्य थः जहान रमा बज्राचार्यया बूदिं लाकाः थुगु म्ये पिथंगु खःसा म्हो इलय् हे अतिकं लोकं नं ह्वाःगु खः । थुगु म्येय् बूदिं लाःम्हेसिया किपाः तयाः भिंतुनेगु, थुगु म्ये हाय्का सगं बीगु, सामाजिक संजालय् थुगु म्ये पोष्ट यानाः बूदिंया भिंतुना देछाय्गु जक मखःसे कभर म्ये हालामिपिंं नं आपालं खनेदयावःगु खः ।   

 

म्ये पाेष्ट यायेगु नितिं budinya Bhintuna Mye Kasa https://www.facebook.com/Surajbir123

बूदिंया भिंतुना म्ये लिंक _ Budinya Bhintuna Song Link
https://youtu.be/yhc_-hmig44
https://youtu.be/2smu7eLz7Hg

बूदिंया भिंतुना काराओके ट्रयाक लिंक _ Karaoke Track Link
https://youtu.be/aSSny6sQaf8

कासाय् दुग्याःगु म्ये स्वयेगु नितिं जक
https://www.youtube.com/channel/UCk1bTrmCdgMx5zj4z_UN_nQ/playlists?view_as=subscriber

 

 

 

Categorized in राष्ट्रिय