२०८० चैत्र १६, शुक्रबार

मड्रिडं काडिजनाप ज्वलिंज्वः कासा म्हितल

थिंलागा पारु ११४२, पुष ५ सोमवाः

स्पेनिस लिग फुटबलय् रियाल मड्रिडं काडिजनाप ज्वलिंज्वः कासा म्हितूगु दु ।

थःगु हे मैदानय् वंगु चान्हय् जूगु कासाय् निराशाजनक ब्वज्या यासें शीर्ष थासय् दुगु रियाल मड्रिडं गोलरहित ज्वलिंज्वः कासा म्हितूगु खः ।

वंगु चान्हय् हे जूगु कासाय् स्टार बेल्जीयन कासामि इडेन हाजार्ड लिपांगु स्वलाय् न्हापांखुसि रियालया सुरुवाती टिमय् दुथ्याःगु खः । कोभिडपाखें संक्रमित रियालया ६म्ह कासामि मैदानय् मरु ।

थ्व ज्वलिंज्वः कासानाप रियाल मड्रिडया लिपांगु १०गू कासाया जित श्रृंखला तकं त्वाःदल । लिगय् १८गू कासापाखें रियाल मड्रिडया ४३गू ल्या दु । छगू कासा म्ह्वों म्हितूगु सेभिया ३७गू ल्यानाप निगूगु थासय् दु ।

थ्व सिजनय् कमजोर ब्वज्या यानावःगु बार्सिलोना १७गू कासापाखें २७गू ल्यानाप धलःया ७गूगु थासय् दु ।

Categorized in कासा