मणिसंघ महाविहार क्वाःपाद्यः छेँय् जग स्वन
लहनान्युज | थिंलाथ्व एकादशी ११४० (दिसेम्वर ८ २०१९)
येँ महानगरपालिकां बहाः बहिया संरक्षण याय्गु तातुना जीर्ण जुयाच्वंगु थीथी बहाः बहिया पुनःनिर्माण यायेगु ज्या झ्वलय् येँया ज्याबहाः ल्यूनेसं दुगु मणिसंघ महाविहार मिखा बहाःया पुनःनिर्माणया लागि येँ महानगरपालिकाया मेयर विद्यासुन्दर शाक्यं मणिसंघ महाविहार क्वाःपाद्यः छेँय् जग स्वनेगु ज्या यानादीगु दु ।
मणिसंघ महाविहार मिखा बहाःया मोतिरत्न बज्राचार्य मुलाचार्य व ज्ञानी राजा बज्राचार्य उपाध्याय जुया न्ह्याकूगु पादस थापना पुजा धुंकाः थुकथं जग स्वनेगुज्या यानादीगु खः ।
येँ महानगरपालिकां माःगु तक खर्चया व्यवस्था याना पुनः निर्माण याय् त्यःगु खः ।
थुगु महाविहारया पुनः निर्माण ज्याझ्वः वइगु असार मसान्त तकया दुने क्वचाय्केगु आज्जु तयाः ज्या न्ह्यायेत्यःगु खः ।
जग स्वना ज्याझ्वलय् संघीय सांसद कृष्ण गोपाल श्रेष्ठ, कामपा २१ वडाअध्यक्ष उदय चुडामणि बज्राचार्यपिनगिु न उपस्थित दुगु खः ।
किपाः सुगत रत्न सिन्दुराकार
