मत्स्यनारायण मेलाय् प्रभावित
शोभा श्रेष्ठ | अनलाथ्व चतुर्दशी ११४०,असोज १४ बुधवाः
कोभिड–१९ महामारीया कारणं मत्स्यनारायण मेला न प्रभावित जूगु दु । मलमास यकं मच्छेगामय् मत्स्यनारायण द्यःया थाय् न्हापा न्हिच्छियकं भक्तजनपिनिगु लागि द्यःया दर्शन याये दइगु खः ।
मच्छेगामय् मत्स्यनारायण द्यःया थाय् सुथय् नित्य पूजा याःगु इलय् जक द्यःया दर्शन याये दइ ।
तर, थुगु दँय् कोरोना महामारीया कारण भक्तजनपिन्स, द्यःया पुजारीं सुथय् सरसफाई, नित्य पुजा व बहनि अभिषेक, आरती व स्वां इनेगु इलय् जक द्यःया दर्शन याये दइ । मेगु इलय् द्यः थाय् लुखा बन्द जुइ धका मत्स्यनारायण द्यःया पुजारी शैलेश आर्चायं धाःगु दु ।
नित्य पूजाया लागि सुथय् ४ निसे ७ बजे व बहनि आरतीया लागि ३ निसे ७ बजे तक लुखा चाइगु जुगुलि उगु इलय् जक द्यःया दर्शन याये दइ धका पुजारी धाःगु दु ।
Categorized in राष्ट्रिय
