मध्यपुर थिमि बचत तथा ऋण सहकारी संस्थां थिमि भैलः २०८१ या कलाकार व व्यवस्थापन समितियात छगु ज्याझ्वः दथुइ हने याःगु दु।

आनुष्ठानिक प्याखं मध्ये थिमि भैलःयात म्वाका तयेगु ज्या याःगुलि अथे हने ज्या याःगु खः। सहकारीया १७ क्वःगु दँमुज्याय् थिमि भैलः २०८१ व्यवस्थापन समितिया माइला प्रजापति नाप कलाकारपि तृशल प्रजापति (ज्यापुंगः), अशोक प्रजापति (न्हापा भैलः), बाल मुकुन्द प्रजापति (लिपा भैलः), आयुष प्रजापति (न्हापा दागिं) र शाहील प्रजापति (लिपा दागिं)यात दोसल्लां न्यय्का थिमि नगरपालिकाया उपप्रमुख विजयकृष्ण श्रेष्ठं हनापौ लःल्हानादीगु खः।

संस्थाया अध्यक्ष नाप ज्याझ्वःया सभाध्यक्ष कृष्ण काजी मानन्धर जुगु उगु ज्याझ्वलय् मूपाहाँ मध्यपुर थिमि नगरपालिकाया उपप्रमुख विजयकृष्ण श्रेष्ठ व पाहाँपि ८ या वडाध्यक्ष रमेश थापा, समाजसेवी कृष्णलाल गोजा श्रेष्ठ, समाजसेवी न्हुछेरत्न मानन्धर, नेफ्स्कूनया सुशीला पराजुली, सिवा सायमि खलःया अध्यक्ष मनोज लाल मानन्धर, केन्द्रीय मानन्धर संघया सहायक सचिव तुलसीकाजी मानन्धर, मध्यपुर सञ्चार समाजया अध्यक्ष चन्द्रकृष्ण गोपाल श्रेष्ठपिनिगु न ब्बति दुगु खः।

Categorized in राष्ट्रिय