मनकामना मंसिर २८ गते निसे खुल्ला
लहानान्युज | कछलागा अष्टमी ११४१, मंसिर २३ मंगलवाः
कोरोना भाइरस (कोभिड–१९) या कारण ९ महिना तक बन्द जुयाच्वंगु मनकामना द्यःया थाय् मंसिर २८ निसे खुल्ले जुइगु दु।
मंगलवाः मनकामना मन्दिर क्षेत्र विकास समितिया अगुवाइलय् च्वंगु सरोकारवालाया बैठकं आइतवाः निसे द्यःया थाय् व अन वनिइगु केवुलकार सञ्चालन हयेगु निर्णय याःगु दु । कोरोना संक्रमण रोकथाम तथा नियन्त्रणया लागि धका वःगु चैत्र ८ गतेनिसे द्यया थाय् नाप केवुलकार बन्द याःगु खः ।
संस्कृति महाशाखां धार्मिक थाय् सञ्चालन सम्बन्धी स्वास्थ्य सुरक्षा मापदण्ड २०७७ कथं कार्यविधि दयेका द्यःया थाय् सञ्चालन यायेगु समितिया कार्यकारी निर्देशक लेवेन्द्र गुरुङ धाःग दु। द्यःया थाय् बिशेष पूजा मजुइगु व पशुपन्छीया बलि न मयायेगु धका जानकारी बिःगु दु।
न्हापा छगः कारय् खुम्ह यात्रु तयेगु याना वयाच्वंगु खःसा आः स्वम्ह जक तया, मास्क व सेनिटाइजर अनिवार्य याःगु दु । केवुलकारया् मुख्य प्रवेशद्धारय् थर्मलगनपाखे यात्रु तयेत ज्वरो नापे यायेगु व्यवस्था तक याइगु जुगु दु।
Categorized in राष्ट्रिय
