मन्त्रीया गाडी खुसिइ दुन
लहनान्युज | ने.सं. ११३९ तछलाथ्व नवमि (११ जुन, २०१९)
भौतिक पूर्वाधार तथा यातायात मन्त्री रघुवीर महासेठ च्वनावंगु गाडी खुसिइ दुंगु दु ।
स्याङ्गजा जिल्लाया अर्जुन चौपारी ३, घट्टेय् च्वंगु दरौ खुसिइ मन्त्रीया झण्डावाल गाडि दुंगु खः । सहरे खुसिया ताँया शिलान्यास यानाः लिहां वयेगु झ्वलय् मन्त्री च्वनावःगु बा २ झ ४०२९ ल्यांया गाडी खुसिइ बच्छि दुंगु खः । मन्त्रीयात धाःसा सुरक्षाकःमितसें उद्दार याःगु खः ।
खुसिइ गाडी दुंगुलिं गाडीया इन्जिन हे बन्द जूगु दुसा क्रेनया ग्वाहालिइ गाडी पितहयेगु ज्या जूगु खः । मन्त्री धाःसा मेगु गाडीइ लिहांवःगु प्रमुख जिल्ला अधिकारी कोशहरी निरौलां जानकारी बियादीगु दु ।
Categorized in राष्ट्रिय
