नेपाली राष्ट्रिय फुटबल टिमं अफ्रिकी देय् मरिससयात मदिक्क निगूगु कासाय् त्याकुगु दु ।

दशरथ रंगशालाय् म्हिगः जूगु  तनाबपूर्ण कासाय् नेपालं १गू–०या गोल अन्तरं बुकुगु खः । घरेलु टोली नेपाःयात त्याका बिइत सुजल श्रेष्ठं याःगु गोल हे निर्णायक जुल ।

कासाय् नेपाः १०म्ह कासामिइ व मरिसस ९ म्ह कासामिइ लिकुंगु खः । नेपाःया पुजन उपरकोटी निगु भासुगु कार्ड लिसें मैदानं पिहाँवंबलय् मरिससया एड्रियान बोट्लर व इम्यानुएलं ह्याउँगु कार्ड नःगु खः ।

कासाय् मरिससं चूलाकुगु पेनाल्टी ह्वतायात गोलय् हिले मपूmगु खः । मरिससया कप्तान एण्डी सोफीया प्रहारयात नेपाःया गोलरक्षक किरण चेम्जोङं ताःमलाका बिउगु खः ।

थ्व जितलिसें नेपाः निगू कासाया मैत्रिपूर्ण श्रृंखला क्लीन स्विप यायेत ताःलाःगु दु । वंगु शनिबाः जूगु न्हापांगु कासाय् नं नेपाः १गू–०या गोल अन्तरं हे त्यागु खः ।

Categorized in कासा