मरुजोशीया भिंतुना ज्याझ्वः क्वचाल
लहनान्यूज सम्वाददाता | कौलागा सप्तमि ११३६ (अक्टोबर २२ २०१६)
सनातन इष्टदेवता गुथि (मरुजोशी) या भिंतुना ज्याझ्वः थौं येँया मरुत्वालय् क्वचाःगु दु ।
मरुत्वाःया जोशीतय् आगं चुक मरुइ थौं गुथिं मोहनि, स्वन्ति व न्हूदँ नेपाल सम्वत ११३७या या भिंतुना कालबिल कथं च्यापान ज्याझ्वः याःगु खः ।
च्यापान ज्याझ्वलय् मरुया स्थानीयतलिसें राजनैतीक, भाषिक कार्यकर्ता, पत्रकार, कलाकार, साहित्यकारलिसेंया ब्वति दुगु खः । ज्याझ्वलय् उद्योगमन्त्री नवीन्द्रराज जोशी तकं थ्यंगु खः ।
गुथिं वंगु न्हयदँ न्ह्यः ने.सं.११३० निसें दँयदसं मदिक्क भिंतुना च्यापान ज्याझ्वः याना वयाच्वंगु दु ।
Categorized in राष्ट्रिय
