मरु गनेद्यःया जात्रा क्वचाल
येँया हनुमानध्वाखा दरबार लिक्कया नांजाःगु मरु गनेद्यःया खःयाः थौं क्वचाःगु दु । 
 
स्वनिगःया प्यम्ह नांजाःपिं गनेद्यःमध्ये मरु गनेद्यः अशोक विनायकया खःयाः देय् चाःहुइकाः क्वचाःगु खः । मरु गनेद्यःया देगलय् प्रतिस्थापन यानातःम्ह वहःया गनेद्यःया मूर्तियात खटय् तयाः देय् चाःहुइकूगु खः । 
 
थुगु जात्राय् खःयात मरु गनेद्यः गुथिया दुजःया म्ह्यायमस्तयगु छेँय् यंकाः पुज्यायेगु याइ । देय् चाःहुइके धुंकाः वहःया गनेद्यःया मूर्तियात द्यःछेँय् हे हाकनं प्रतिस्थापन यायेगु चलन दु । 
 
स्वनिगलय् क्वयना गनेद्यः अर्थात जलविनायक, कार्यविनायक, सूर्यविनायक व अशोक विनायक नांजाः । 
 
मरुइ दुगु अशोक विनायकया देगलय् गजू मदुगुलिं थ्वयात मरु गनेद्यः धाःगु खः । व हे लिसें त्वाःया नां तकं मरु हे च्वंवंगु खः ।