'महाअभियोगलिसेंया विषयस मिले जुयावनेगु'

मूमू स्वंगू दलया शीर्ष नेतात महाअभियोगलिसेंया मूमू मुद्दायात कयाः मिले जुयावनेत सहमत जूगु दु ।

प्रधानमन्त्री पुष्पकमल दाहालया आह्वानय् थौं बुधवाः बालुवाटारय् च्वंगु मुँज्याय् निलम्बित अख्तियार प्रमुख लोकमान सिंह कार्की विरुद्ध संसदय् न्ह्यब्वःगु महाअभियोग, संविधान संशोधन नापं कार्यान्वयनयात कयाः सहलह जूगु खः ।

शीर्ष नेतात दथुइ सहलह न्ह्याकाच्वनेगु व संविधान संशोधन, कार्यान्वयन, महाअभियोगलिसेंया विषय सहमतिया लिधंसाय् क्वःछीत सकारात्मक सहलह जूगु प्रधानमन्त्रीया निजी सचिवालयं न्ह्यथंगु दु ।

ज्याय् नेपाली कांग्रेस सभापति शेरबहादुर देउवा व नेकपा एमाले नायः केपी शर्मा ओली नं ब्वति कयादीगु खः ।

Categorized in राजनीति