२०८१ जेठ १२, शनिबार

महोत्तरीया लुँ पसलय् लुटपाट

बछलाथ्वः सप्तमी ११४१, असार ३ गते विहीबाः

महोत्तरीइ सम्सी गाँपालिकाय् वंगु चान्ह्य् छगू पुचलं लुँ पसःया साहूया गोलीं कयेका लाखौंया लुटपाट याःगु दु । जिल्ला प्रहरी ज्याकू महोत्तरीया प्रहरी नायव उपरीक्षक प्रकश विष्टया कथं सम्सी १ या सम्सी गौशाला सडक खण्डय् थःगु हे छेँ पसः यानाच्वम्ह राजीव ज्वेलर्स सुनचाँदी पसःया सञ्चालक वीरेन्द्र साहया छेँय् वंगु चान्हे गोली व रडं कयेका साहया परिवारपिन्त घाःपाः याना लखौंया जुटपाट याःगु खः । चान्ह्य् २ ताः ईलय् गुम्ह/झिम्हया पुचलं छेँय ल्यूनेया लुखा तछ्याना वःगु उगु पुचलं नलकटुवा पेस्तोलं घरमूली ५०दँया वीरेन्द्र साहया जनफातय् गोलीं कयेकूगु खः । अथेहे वय्कया तिरि ४५दँया सुशीला देवी, काय् २५दँया शम्भु, म्ह्याय् २०दँया कञ्चनकुमारी व मेम्ह काय् १७दँया राजीयात ख्वालय् व छेँनय् रडं दाया गम्भीर घाइते याना लखौं लुटपाट याःगु प्रनाउ विष्टं धाल । घाइतेपिन्त वंगु चान्हे हे जनकपुरया गोदावरी अस्पताल वासः यानाच्वंगु दु । उपिनिगु अवस्था गम्भीर जूगु धाःगु दु ।

Categorized in अपराध