२०८० चैत्र १६, शुक्रबार

मिसन पत्रकारिताया हुनिं सरकारया बाँलागु ज्याः मखंगु प्रधानमन्त्री ओलीया द्वपं

लहनान्यूज | बछलाथ्व द्धादशी ११४१,जेष्ठ ९ आईतवाः

प्रधानमन्त्री केपी ओलीं थः त कुख्यँपिन्त कटू प्रहार यानादिगु दु । प्रतिनिधि सभा विघटन थुखे वय्कया पलाःयात कुख्यपिन्त मदिक्क प्रहार यानावःगु दु ।
 
थौं बालुवाटारं प्रधानमन्त्री ओलीं थःगु पक्षय् च्वसाः मन्ह्याकूगु धासें आफ्ना संचारमाध्यमयात टिप्पणी यासें थन मिशन पत्रकारिता हावी जूगु धयादिल । वय्कलं थःपिन्सं यानागु थपूया ज्या खँहे मखंगु कमजोरी मदूसा बनावटी खँ दयेकेगु, मार्मिक बाखँ दयेकूगु द्वपं तकं बियदिल ।
 
थम्हेसियां यानागु ज्या यात कुँख्यना याःपिं बुद्धिजिवीपिन्त ध्याचु नकुसें धयादिल, “बुद्धिजिवी धाइपिन्सं सरकारं याःगु बाँलागु ज्या खँहे मखंगु, छसिकथं कुख्यनेगु ज्याय् हे लिमलाःगु दु” । थःगु दलया हे नेता माधव नेपालयात ताकेता यासें थःगु प्रधानमन्त्रीयात लिछ्याना मेगू हे दलया नेतायात प्रधानमन्त्री दयेकेत न्ह्यज्याना च्वनेगु धैगु पवित्र ज्या खःला ? धासें न्ह्यसः तयादिल । उपिं कारबाहीया भागिदार जुइमागु वय्कलं धयादिल ।
 
प्रधानमन्त्री ओलीं नेपाली कांग्रेस प्रचण्डपथय् दुथ्यागु तकं द्वपं बियादिल । कांग्रेस उत्तेजना, आक्रोश व कब्जाया शैलीया नितिं प्रचण्डयात गुरु नालाच्वंगु वय्कया धापू खः । जनतापाखें निर्वाचित सरकारं याइगु निर्वाचनय् ब्वति मकायेगु खःसा गज्यागु प्रजातन्त्रया लँपुइ न्ह्यज्यनाच्वंगु दु, कांग्रेस ? वय्कया न्ह्यसः खः । 
 
Categorized in राजनीति