२०७८ कार्तिक १०, बुधबार

मुख्यमन्त्री लालबाबु राउत विश्वासया मत काइगु

ञंलागा औंसी ११४१, असोज २० बुधवाः

प्रदेश २ या मुख्यमन्त्री लालबाबु राउत गादीं थौं प्रदेशसभां विश्वासया मत काइगु जूगु दु ।
 
सत्तारुढ दल जनता समाजवादी पार्टी ब्वथःगु अवस्थाय् वय्कलं संविधान कथं विश्वासया मत कायेत्यंगु खः । थौं सुथय् ११ताः ईलय् च्वनीगु प्रदेशसभाया मुँज्यां मुख्यमन्त्री राउतं विश्वासया मत कायेगु तयारी जूगु दु ।
 
१०७म्ह दुजःया प्रदेशसभाय् सत्तारुढ जसपाया ३९म्ह, नेपाली कांग्रेसया १९म्ह, नेकपा एकीकृत समाजवादीया १३म्ह अले नेकपा माओवादी केन्द्रया ८म्ह यानाः ७९म्ह सांसदपिन्सं मुख्यमन्त्रीयात विश्वासया मत बीगु खनेदु ।
 
प्रदेशसभाय् जसपापाखें ब्वथलाः गठन जूगु लोकतान्त्रिक समाजवादी पार्टीइ १६म्ह सांसदत दुसा नेकपा एमालेया ८म्ह अले संघीय समाजवादी पार्टीया छम्ह सांसद दु । इमिसं राउतया विपक्षय् मत बीगु खनेदु ।
 
लोकतान्त्रिक समाजवादी पार्टीं धाःसा मुख्यमन्त्री राउतया राजीनामा फ्वनाः प्रदेशसभाया मुँज्या अवरुद्ध यायेगु तयारी याःगु दु ।
Categorized in राजनीति