२०८० चैत्र १६, शुक्रबार

मुम्बई इन्डियन्सया कप्तान रोहित शर्माया ५ हजार रन पुरा

मिलन कुमार | अनलागा १ ११४०,असोज १६ शुक्रवाः

इन्डियन प्रिमियर लिग (आईपीएल) टी–ट्वान्टी क्रिकेटय् मुम्बई इन्डियन्सया कप्तान रोहित शर्मा न ५ हजार रन पुरा याःगु दु। रोहितं किंग्स इलाभेन पन्जाबया विरुद्ध कासाय् पूरा याःगु खः। 
 
 
थ्व नाप रोहित आईपीएलय् ५ हजार रन पूरा याम्ह स्वम्हम्ह कासामि जूगु दु। रोहितं पन्जाबया विरुद्ध कासाय् ४५ बलय् ८ चौका व ३ छक्काया ग्वाहालि ७० रनया अर्धशतकीय पारी म्हितुगु खः। 
 
आईपीएलय् ५ हजार रन पुरायापि न्हाापाम्ह कासामि रोयल च्यालेन्जर्स बेंगलोरया कप्तान विराट कोहली, मेम्ह पूर्व भारतीय व चेन्नाई सुपर किंग्स सुरेस रैना थुगु लक्ष्या पुरा याःगु खः। वया लिपा रोहित आईपिएलय् दकलय् अप्वो रन दयेकुम्ह कासामिया धलखय् लागु दु। 
 
रोहितं थुगु उपलब्धीया लागि १०७ पारि म्हितुगु दु। सुरेसं ५ हजार रन दयेकेगु लागि १७३ पारी म्हितुगु खःसा कोहलीं १५७ पारी म्हिता ५ हजार रन पुरा याःगु खः।
Categorized in कासा