मुम्बई न क्यापिटल्सयात त्याकल
मुम्बई इन्डियन्सं इन्डियन प्रिमियर लिग (आईपीएल) क्रिकेटय् म्हिगः चान्हय जूगु कासाय् दिल्ली क्यापिटल्सयात त्याकुगु दु।
शेख जायद क्रिकेट स्टेडियमय् जूगु कासाय् दिल्लीं बिःगु १६३ रनयात लक्ष्य मुम्बई न १९ ओभर ४ बलय् न्यागु विकेटय् पूरा याःगु खः।
मुम्बईयात त्याकेगु लागि क्विनटन डी कक व सूर्यकुमार यादवं अर्धशतकीय पारी म्हितुगु खः। निम्हेसिया समान ५३ रन दयेका आउट जूगु खः। अथेहे इशान किशन २८ रन, कप्तान रोहित शर्मा ५ रन, कुर्नाल पाण्डे१२ रन अविजित व केइरन पोलार्ड ११ रनया अविजित पारी म्हितुगु खः। दिल्लीया कागिसो राबडां निगु विकेट, अक्षर पटेल, रविचन्द्र आश्विन व मार्कुस स्टोनिस न छगु छगु विकेट काःगु खः।
टस त्याका न्हापा ब्याटिङ याःगु दिल्लीं २० ओभरय् ४ विकेट गुमे याना १६२ रन दयेकुगु खः। 
थुगु कासा लिपा मुम्बई तालिकाय् शीर्ष थासय् थ्यःगु दु। मुम्बई न्ह्यगु कासाय् १० ल्याः थ्यःगु दु। दिल्ली न्ह्यःगुु कासाय् १० ल्याः दु।
Categorized in कासा