२०७७ माघ ८, बिहिबार

मुम्बई न दिल्ली क्यापिटल्सयात गूगु विकेट त्याकल

लहानान्युज | कौलाथ्व पुन्हि ११४०,कार्तिक १५ शनिवाः

१३ क्वःगु संस्करणया इन्डियन प्रिमियर लिग (आईपीएल) टी–ट्वान्टी क्रिकेटय् मुम्बई इन्डियन्सं दिल्ली क्यापिटल्सया त्याकूगु दु।
 
थौं शनिवाः जुगु कासाय् मुम्बई न दिल्ली क्यापिटल्सयात ९ विकेटं त्याकूगु खः। दुबई अन्तर्राष्ट्रिय क्रिकेट मैदानय् जुगु कासाय् दिल्लीं मुम्बईयात बिःगु १११ रनया सामान्य लक्ष्य मुम्बई न १४ ओभर २ बलय् छगु विकेट गुमे याना १११ रन दयेकूगु खः।
 
मुम्बइया लागि इशन किशनं अर्धशतकीय पारी म्हितूगु खः। ७२ बलय् ८ चौका व ३ छक्काया ग्वाहालि ७२ रन दयेकूगु खः। अथहे क्विन्टन डीकक २६ रन, सुर्यकुमार यादव १२ रनया योगदान याःगु खः।
 
बलिङपाखे दिल्लीया लागि आन्रिच नोर्टज छगू विकेट काःगु खः।
 
टस त्याका न्हापा ब्याटिङ यासे दिल्लीं निर्धारित २० ओभरय् ९ विकेट गुमे याना ११० रन दयेकूगु खः। दिल्लीया लागि शेयस औरं दकलय् अप्वो २५ रनया योगदान याःगु खः।
 
अथेहे रिशव पन्तं २१ रन, रविचन्द्र आश्विन व कगिसो रवाडां १२–१२ रनया योगदान याःगु खः। बलिङय् मुम्बईया लागि ट्रेन्ट बोल्ट व जस्प्रित भुम्राहा न स्वगू स्वगू विकेट काःगु खः। अथेहे नाथन कोट्रेल व राहुल चहारं छगू छगू विकेट काःगु खः। 
 
थुगु कासालिपा मुम्बई शीर्ष स्थानय् कायम जूगु दु।
Categorized in कासा